LABURBIRA, euskaraz sortu eta ekoitzitako film laburren zirkuitua da eta aurten bere 21. edizioa beteko du. 2 helburu nagusi ditu: euskal zinemagintza hauspotzea batetik, zinemagileei beren lanak erakusteko aukera emanez, eta herritarrei euskaraz sortutako film laburrak ezagutaraztea, bestetik.
20 urteotan bide arrakastatsua egin du LABURBIRAK: euskal zinemagintzaren erakusleiho erreferentziala bihurtu da, eta zirkuitu egonkor eta zabal bat eskaintzen duen neurrian, industria osoaren pizgarri moduan ere eragiten du.
Aurtengo ediziora 22 lan aurkeztu dira eta horietarik, 8 film hautatu dira herriz herri ikusi ahal daitezen, JATABEN gertatuko den bezala, datorren ostiralean, apirilak 26. Orotara, 87 minututako film-labur sorta ikusgarria osatu da ikusleei ahalik eta emanaldi aberasgarriena eskaini asmoz. Denetariko lanak aurkitu daitezke bertan, eduki zein estiloz, horietako asko jada zenbait zine jaialditan saritutako lanak.
Hauxek, hurrenez hurren, aurtengo edizioan ikusgai izango diren film-laburrak:
–DENA ASMATUTA DAGO Zuzendaria: Jone Arriola
–KATALINAREN ZORIA Zuzendaria: Guillermo Ordás
–ERRO Zuzendaria: Amaia Lejarreta
–BABESA Zuzendaria: Ander Iruretagoyena
–MUNDU BERRI BAT Zuzendaria: Mikel Álvarez
–ZIRRARA Zuzendaria: Ane Cuesta
–TALKAK Zuzendaria: Ilune Díaz eta Jordi Nuet
–BETIZU BURU Zuzendaria: Ander Iriarte
Hurrengo estekan aurtengo iragarkia ikus dezakezue