Gorakada konpainiak ipuin ezagun honekin batera, sormen plastiko handiko lan bisuala aurkeztuko digu, harea, oihalak, zaindutako argiztapena, itzalak eta manipulazio teknika ugari. Hutsetik hasita mundu oso bat eraikiko dute, bertako pertsonaiak eta giroa “1000 gau eta bat gehiago” liburukoak gogora ekarriz.
Santurtziko Serantes Kultur Aretoan igande honetan 12:30ean Aladino ikusteko aukera izango dugu. Ume eta gurasoek elkarrekin egiteko ekitaldi aproposa da. Bertan erosi behar dira sarrerak eta 4 euro balio dute.