Ekainaren 14an izan genuen Irakurzale Klubaren ikasturteko azken hitzordua, “Ni ez naiz Mikel Laboa” eleberri grafikoaz hitz egiteko, eta hona ondorioak edo:
Opor aurretik, Santurtziko irakurzale klubaren azken lan aukeratua izan da hiru egiledun biografia ilustratua: Mikel Laboaren biografia surrealista. Garai horretako argazki ere bada; kantariaren diskografia aukeratua, une hartako beste kantari batzuen kantek lagundua; 60-70. hamarkadetako euskal mugimendu kulturala…
Artistaren bizitzako eszena bakoitzak kolore, erritmo, estilo zein argi-itzal propioak ditu. Batzuek umorea dute barra-barra, besteek, aldiz, tristura, bizitza bera ere horrelakoa delako. Azkenik, ezin aipatu gabe utzi erretratuak itzelak direla.
Ordubete-bi ordutan irakur daitekeen artelana irakurtzeko aukerarik ez galdu!
Eta udarako proposamenik? Bai, noski! Lander Garroren “Faith”. Urriaren 18an kontatuko diogu elkarri zer iruditu zaigun…