BERBALAGUN JAIA – ZALLAN, EKAINAK 13
Uda dator eta, berarekin batera, ikasturte honi agur esateko garaia ere.
Beste behin ere, ekintzez betetako urtea izan dugu: jende berria ezagutu dugu, aurreko urteetako lagunekin elkartu gara eta Enkarterriko kaleak euskaraz busti ditugu.
Horri guztiari bukaera borobila emateko, azken jai bat antolatu dugu. Jolasak, ginkanak, zozketak, kontzertuak… izango ditugu Zallako kaleetan. Beraz, ez galdu aukera: ekainaren 13an, 17:30ean, Zallako Euskaldun berria plazan elkartuko gara, arratsaldeko plan ederra eta dibertigarria pasatzeko.
Izena emateko idatzi enkarterri@aek.eus edo bidali whatsapp bat 671070044 zenbakira. Izena emateko azken eguna: ekainak 11.
Etorri, parte hartu, gozatu eta, garrantzitsuena… EUSKARA BULTZATU, EUSKARAZ BIZI!
