Neguko hotzak etxean egotera behartzen gaitu sarri. Horregatik, benetan sasoi aproposa dugu irakurri eta idazteko. Etxeko epeltasunean gure sormenaz baliatuta ideiak paperean ezartzeko aukera dugu. Arratiako Berbalagunok mikro-ipuin lehiaketa antolatu dugu, gai librean, 50-100 hitz bitarteko ipuina idatzi beharko da. Urtarrilaren 7an bukatuko da lanak aurkezteko epea eta sari ederra jasoko du irabazleak. Animatu!