Maiatzaren 11n, mendilagunok ikasturteko azken ibilaldia egin genuen eta ez zen edonolakoa izan. Udaberriko kolore biziek paisaia ederrak ikusteko aukera eman ziguten. Aguraindik Lagranera kotxez egin genuen lehenik eta Lagranen ekin genion Cruz del Castillora igoerari. Lore eta zuhaitzen hosto berde biziek lagundu ziguten bidean zehar eta tipi-tapa heldu ginen gailurreraino. Tontorrean, haizea ez zebilela aprobetxatuta, hamaiketakoa egin genuen eta Arabar errioxako zein mendialdeko paisaia ederrez gozatu ahal izan genuen. Ondoren, jaitsiera hizketan eman genuen eta goizari bukaera ezin hobea emateko Bernedon potetxo bat hartu genuen.
Mila esker mendilagunok eta datorren urtera arte!
