Martxoaren 25ean, barikuz, sekulako giroa sortu genuen Basauriko Nai Lua tetegian, izan ere, Korrika aitzakiatzat hartuta herriko bi eragilek antzerki musikatu parte hartzailea eskaini zioten herriari. Antzerkia zen arren, antzerki formatu tradizionala gainditu genuen, eta ekintza parte hartzaile eta kontzientzia sortzailea izan zen gehiago. Bertan ikusleek parte hartu zuten aktiboki “eszenatokira” ateraz, euren aletxoa eskainiz, sariak jasoz… eta dena umorez zipriztinduta!
Elentxu eta Roberto aktoreek Korrika abestiak baliatu zituzten antzerkia aurrera eramateko, gitarraren laguntzaz, eta ikusleei hainbat galdera/erronka bota zizikieten eurek parte har zezaten, ondorioz, sariak irabazteko aukera eduki zuten: aurreko Korriketako arropa, Berbalagun poltsoak, Errigora produktuak…. Hurrengo argazkian, esaterako, Hiart Berbalaguna erronka horietako bat egiten ageri da.
Beste argazki honetan, berriz, Gentzane AEK-ko lankidea ageri da, galdera zehatz bati erantzuten…saria lortu ote zuen? Kar, kar, kar!
Esan beharra dago antzerkiaren helburua, ondo pasatzeaz gain, Korrikarekiko eta euskararekiko kontzientzia areagotzea izan zela, baita Basaurin euskarari hain beharrezkoa duen bultzada ematea ere. Eta horretan laguntzeko, antzerkiaren bukaeran “lip dub” bat grabatu genuen sare sozialetan elkarbanatzeko, “photocall”-a izan zuten partaideek argazkia atera eta euren sare sozialetan zabaltzeko… Hementxe duzue “lip dub”-aren bideoa…
Eta bukatzeko, hementxe duzue AEK-kideok egin genuen ekarpena: Erruben, Gentzane eta Ioritzek euren aletxoa jarri zuten bertsoa abestuz! Mundiala! Horiek ahotsak horiek!
Laburbilduz: ekintza desberdina, aberasgarria, umoretsua, parte hartzailea, herrikoia, herritik eta herriarentzat sortua… azken finean, Berbalagun proiektua bera definitzen duen ekintza zoragarria! Eskerrik asko Elentxu eta Roberti halako ekintza sortu eta aurrera eramateagatik! Baita Sorayari ere, tetegian “zorakeria zoragarri” hau egitea ahalbidetzeagatik!
GORA ZUEK! GORA EUSKARA! GORA BERBALAGUN ETA GORA KORRIKA!
PRAKTIKATU ETA BIZI!