Hemen duzue Korrikaren aldeko kopla lehiaketako Galdakaoko lehen bertso sorta.
Koplalariak asteazkeneko taldeko zenbait lagun dira(izenik ez dugu emango, eurek hala eskatuta). Hauek dira Euskalakari baten bizitza gaiari erantzundakoa:
1. Astero joaten gara
leku berdinera
Mutilak eta neskak
ondo pasatzera
2. Gure-Toki tabernan
bihurtu gara lagun
Eta berba eginez
ere berbalagun
3. Euskaldun barri gara
eta badakigu
Euskara goratzeko
hauxe behar dugu
4. Astero etortzen gara
mingaina astintzera
Pertsona ezberdinak
hizkuntza berbera
5. Gure hizkuntza polita
ezin dugu galdu
Hargatik merezi du
guztiok bultzatu
6. Berbalagun guztiok
elkartzen bagara
Ea zenbat euskaldun
gure herrian dan…