Gurasolagunon hurrengo ekintza “Gabonetako ipuinak” ipuingintza saioa izango dugu, Alberto Bargosen eskutik.
Abenduaren 15ean, ostiralean egingo dugu, Artzentaleseko Kultur Etxean; eta 18etan hasiko gara. Saio honetan Alberto Bargos ipuin kontalaria gurekin izango dugu. Bertan Gabonetako ipuinak entzuteko eta horien kontaketan parte-hartzeko aukera izango dugu.
Erabiliko den euskara erraza izango da; eta 4 – 10 urte bitarteko haurren familientzat gomendatuta dago. Gogoratu, halaber, ekintzak familian egitekoak direla, gurasoek parte hartu behar dutela eta ezin izango dela umerik bakarrik egon.
Leku kopurua mugatua da, eta ezinbestekoa da aldez aurretik izena ematea abenduaren 14a baino lehen. Horretarako, 671 070 044 telefonora Whatsap mezu bat bidali edo enkarterri@aek.eus helbidera idatzi honako datu hauek zehaztuz: familiako kide kopurua, izen-abizenak eta haurren adina.
Zatoz, familia, eta praktikatu euskaraz gurekin; erraza da!
