Atzo, Zigor Iturrieta gidari, gosari eta askari osasuntsuak prestatzen ikasi genuen. Cola-Caoa kakao hautsagatik ordezkatu, sardina patea prestatu, hummus palestinarra dastatu, Nutellari batere inbidiarik ez dion hur eta txokolate krema egin… Sabela beteta eta ideia eta errezeta berriekin atera ginen Abadiñoko Gaztañodi txokotik!
Zer… zuk ere probatu nahi dituzu etxean, ezta?
Hona errezetak:
KAKAO EDARIA
OSAGAIAK:
– KAKAO HAUTSA, 200 g
– PANELA AZUKREA, 100 g
– KANELA HAUTSA EDO KAFE DISOLBAGARRIA GEHITU AHAL DIOGU.
NOLA EGIN:
1- Osagai guztiak robotean sartu eta birrindu hauts fin bat lortu arte.
SARDINA PATEA OGI TXIGORTUAREKIN
OSAGAIAK:
– BASERRIKO OGIA
– SARDINAK KONTSERBAN, 180 g (lata pare bat)
– GAZTA KREMATSUA, 100 g
– LIMOI ERDIREN ZUKUA
– OLIBA OLIO BIRJINA, zorrotada bat
– PIPERBELTZA
NOLA EGIN:
1- Sardinak, gazta krematsua eta limoi zukua robotean sartu eta birrindu ondo. Oliba
olioa pixkanaka gehitzen joan birrindu bitartean nahi den testura lortu arte.
Piperbeltza gehitu eta ogi txigortuarekin batera jan.
OGI TXIGORTUA TXOKOLATEAREKIN, OLIBA OLIOAREKIN ETA GATZ EZKATEKIN
OSAGAIAK:
– BASERRIKO OGIA
– TXOKOLATE BELTZA %70 KAKAOA DUENA
– OLIBA OLIO BIRJINA
– GATZ EZKATAK
NOLA EGIN:
1- Moztu ogia zerratan eta labeko erretilu batetan labera sartu. Txigortu zaigunean eta
oraindik ogia bero dugularik, txokolate beltza gainean birrindu eta bukatu gainetik olio
zorrotada bat eta gatz ezkata batzuk botaz.
HUMMUS-a
OSAGAIAK:
– GARBANTZU EGOSIAK, 250 g
– BERAKATZ-ATAL bat
– LIMOI ZUKUA, 50 g
– TAHINA, 50 g
– URA, 40 g
– GATZA, koilarakada txiki bat
– KUMINO HAUTSA
– PIPERRAUTS GOZOA
– OLIBA OLIO BIRJINA
NOLA EGIN:
1- Kumino hautsa, piperrautsa eta oliba olioa izan ezik, gainerako osagai guztiak
irabiagailuaren ontzian jarri eta birrindu egingo ditugu. Lortutako krema plater
batetara atera eta gainetik piperrautsa, kumino hautsa eta oliba olio zorrotada bat
botako dizkiogu.
HUR ETA TXOKOLATE KREMA
OSAGAIAK:
– HUR TXIGORTUAK, 165 g
– TXOKOLATE BELTZA, 210 g
– KAKAO HAUTSA, 10 g
– EKILORE OLIOA, 45 g
NOLA EGIN:
1- Birrindu hurtxigortua robotarekin. Jarraian, gehitu ekilore olioa eta jarraitu birrintzen
ore fin bat lortu arte. Gehitu kakao hautsa eta birrindu berriz.
2- Txikitu txokolatea eta urtu mikrohuinlabean edo maría bainuan.
3- Gehitu txokolatea aurreko oreari eta birrindu dena batera. Gorde ontzi batetan eta
mantendu hozkailuan.