Kaixo lagunok!!!
Prest zaudete ondo pasatzeko???? Hilabete honetan Berbalagun ekimenak Antzerki tailerra eskainiko dizue. Ekintza osagarri hori urriaren 25ean izango da, arratsaldeko 17:00etan, Bakioko kultur etxean.
Egitasmo honek familiek, haurrek eta baita gurasoek ere elkarrekin, euskara jarduera ezberdinen bidez gozatzeko espazio bat zabaldu nahi du. Elkarren arteko euskarazko harremana sendotzea, familia barneko eta familien arteko euskararen erabilera indartzea eta euskaraz jolastu eta gozatzeko baliabideak eskuratzea da helburua oraingo honetan ere. Hizkuntza, gozamenaren bidez eta presiorik gabe landuko da, denon eskutik, denon gozamenerako.
Antzerki tailerrean jolas dramatiko batzuk proposatuko dira taldearen adina kontuan hartuta. Jolas batzuen bitartez mozorratuko gara, pailazokerietan ibiliko gara eta sormena landuko dugu antzerkia ardatz hartuta.
Saioaren metodologia guztiz dinamikoa izango da eta haurrek eta helduek elkarrekin hartu-emanaz egingo da.
NON: Bakioko Kultur etxea
NOIZ: Urriak 25
ORDUA: 17:00
EMAN IZENA hurrengo telefono zenbaki honetan 688 87 54 81 edo idatzi hurrengo posta elektroniko honetara uribebutroe@aek.eus
ZATOZ ETA GOZATU GUREKIN!!!!