ABUZTUAren 1etik 15era
Euskal kostaldea, Urkiolako basoak, Bardeetako basamortua, Pirinioetako mendizerrak, Iparraldeko malda berdeak, Bortzirietako bailarak eta Sakanako ikuspegi ederrak 15 egunetan.
Abuztuaren 1ean Deban txirringa gainean igoko gara, eta pedalei zein mingainari eraginez, Euskal Herriko txoko ezkutu eta zoragarriak ezagutuko ditugu, abuztuaren 14an Etxarri Aranatzera iritsi bitartean.
Jardueraren helburuak
– Jende berria ezagutzea eta giro ezin hobeaz gozatzea
– 15 egunez euskara hutsean bizitzea
– Bizikleta gainean batzuetan aldapan gora, bestetan maldan behera eta baita paseo ederrean ibiltzea.
– Euskal Herrian bertan, gure ondoan dauden bazter ikusgarriak bisitatzea
Etapak
Abuztuak 1, al: DEBA-Ondarroa-Aulesti-FORUA
Abuztuak 2, ar: FORUA-Durango-Urkiola-OTXANDIO
Abuztuak 3, az: OTXANDIO-Oñati-Arantzazu-Segura-ATAUN
Abuztuak 4, og: ATAUN-Bakaiku-Olazti-URBASA
Abuztuak 5, ol: URBASA-Lizarragako Benta-Aiotzeko urtegia-GARES
Abuztuak 6, lr: GARES-Artaxoa-Erri Berri-ZARRAKAZTELU
Abuztuak 7, ig: ZARRAKAZTELU-Peña-Zangoza-IRUNBERRI
Abuztuak 8, al: IRUNBERRI-Nabaskotze-Burgi-ISABA
Abuztuak 9, ar: ISABA-Lazako portua-Abodi-GARRALDA
Abuztuak 10, az GARRALDA (atseden eguna/Arpeako kobazuloa)
Abuztuak 11, og: GARRALDA-Sorogain-Urepel-Elizondo-ZUGARRAMURDI
Abuztuak 12, ol: ZUGARRAMURDI-Sara-Etxalar-ARANTZA
Abuztuak 13, lr: ARANTZA-Doneztebe-Beintza Labaien-OTSOLA
Abuztuak 14, ig: OTSOLA-Lekunberri-Aralar-ETXARRI
Antolaketa
– Egunero, 55-60 bat kilometro eginen ditugu, goizeko 9:00etatik hasita.
– Erritmo lasaia izanen da, ibiltari guzti-guztiek jarraitzeko modukoa. Tropelean joaten saiatuko gara une oro, inor ez dadin atzean geratu.
– Betiere, furgoneta gertu izanen dugu. Bertan, gordeko dugu zama guztia, beraz, ibiltariek motxila txiki bat baino ez dute behar bada ez badakoak eramateko (ura, arropa, jateko pixka bat…). Edozein ezusteko dela eta (zulatzea, etab…), furgonetaren laguntza izanen dugu.
– Hamaiketako hartzeko zein bazkaltzeko atsedenaldiak eginen ditugu; baita tokian tokiko ikusteko dagoena bisitatu ahal izateko.
– Batzuetan aterpeetan, bestetan kanping-dendetan zein frontoietan lo eginen dugu.
– Edozein dieta dela eta, menuak ibiltari guztientzat egokituko ditugu.
– Eskolarik egongo ez bada ere, arduradun guztiak euskara-irakasleak izanen dira, zalantza eta bestelakoei buruz hausnartu ahal izateko.
– Ibilbidearen nondik norakoak jasotzen dituen liburuxka banatuko da, baita GPSetan sartu ahal izateko track-ak bidali ere.
– Jarduera osagarriak egonen dira: elkar ezagutzeko jolas zein dinamikak, kontzertu akustikoa, orientazio-jolasa, oinarrizko konponketa-tailerra, kobazuloetara bisita…
Izena emateko azken eguna: Ekainak 30
Izena emateko: https://www.aek.eus/ibiltaria/
IBILTARIA BIZIKLETAZ!
