Aurreko larunbatean, abenduak 18, Enkarterriko Mendilagunok Kolitza mendira irteera egin genuen. Balmasedako Foru plazan goizean goiz elkartu, eta mendira abiatu ginen. Aldapan gora eta euskara ahoan, inguruko paisaiaz gozatu genuen. Tontorrera iritsita, atseden hartu eta solasaldi ederra egin genuen. Ondoren, bideari berriz ekin genion eta Balmaseda herrian bukatu genuen ibilaldia. Hurrengo hilabetean elkar ikusiko dugu berriz, gure eskualdeko paraje eder batean.
Anima zaitez, eta zatoz Mendilagunekin!
